Biolentzia sexistaren kontrako Andereak elkarteko bi
bolondresek bitarteko lana egingo dute tratu txarrak hartutako emakumeen
eta instituzioen artean. emakume hori laguntzeko Bizkaiko Aldundiak
bultzatutako Tartekari Sarearen baitan eskainiko dute bitarteko lan
hori.
Bikoteak edo bikote-ohiaren partetik tratu txarrak hartutako emakume
horientzako laguntza sozialeko agente moduan jardungo dute Andereak
elkarteko kide biek, honako helburu honekin: lotura edo bitartekari
moduan jardutea emakume horien, gizarte erakundeen eta Aldundiak
eskainitako baliabide espezializatuen artean. Anonimotasunak babestuta
lan egingo dute agente horiek, eta eurokin hartu-emanean jarriko diren
emakume guztiei konfidentzialtasuna bermatuko die, ohar baten bitartez
jakin eragin dutenez.
Tratu-txar egoeratik irtetzeko "pausoa ematen" laguntzea izango da
Andereak elkarteko bi bolondresen lana, eta emakume horiek profesional
eskudunen esku jartzen diren momentuan amaituko da. Bolondres sare
horren atzean emakumeen kontrako biolentzian espezializatutako
profesional talde bat dago. "Horien eskutik formazioa jaso dute
bolondresek eta horien jardueraren jarraipena ere egingo dute", azaldu
dutenez. Durangaldea dute lan esparru eta agente horieki hartu-emanean
jarri gura duten emakume edo elkarteek honako helbide elektronikoa
erabili dezakete: andereak@hotmail.com
Instituzioetara joteko uzkur agertzen diren emakumeengana edota
biolentzia matxistagaz lotuta dauden baliabideei buruzko informazioa
heltzen ez zaien emakumeengana hurbiltzeko telefono bat dute laguntza
sozialeko agente horiek: 688 871 627. Bikote edo bikote-ohiaren partetik
tratu txarrak hartzen dituzten emakumeok telefono horretara deitu
leikie. Bestelako famili-biolentzia kasuetan ez dute esku-hartuko,
baina, Andereak elkarteko bi kideek argi itzi gura dute "tratu txar
egoera fisikoa, psikologikoa, emozionala, sexuala edo ekonomikoa ere"
izan daitekeela.
Sentsibilizazio lana
Andereak elkarteko bolondres bien lana biktimei laguntzea izango da
oinarrian. Baina, horrezaz gainera, arazo larri honen aurrean gizartea
sentsibilizatzen ere saiatuko dira: "Arlo horretan gehiago eragiteko
tokiko elkarteekin hartu-emanean jartzeko prest daude, euron berri eman
eta egiten duten lana azaltzeko", nabarmendu dute oharrean.
Andereak elkartek bolondresakBizkaiko Aldundiak 21012an
abiatutakoproiektu pilotoan diharduten laguntza sozialeko bigarren
agente txandaren barruan daude. Gaur egun, Tartekari Sareak 17
elkarte-laguntzaile baten ditu, eta 34 agente aktibo. "Sozialki
konprometituta, eta, biolentzia matxista eta diskriminazio egoeraeren
aurrean sentsibilizatuta dauden emakumeen bitartez egiotura sozial
zabalagoa" sortzea du helburu Tartekari Sareak.
www.anboto.org
No hay comentarios:
Publicar un comentario